वीरगन्ज । वीरगन्जबाट पोखरा जाँदै गरेको यात्रुबाहक बस मकवानपुरको चुरीयामाई मन्दिरनजिक दुर्घटना भएको छ। दुर्घटनामा १७ जना यात्रु घाइते भएका छन् ।
घाइतेमध्ये एकजनाको अवस्था गम्भीर रहेको मकवान प्रहरीले जनाएको छ। अन्य घाइते २ जनाको अवस्था सामान्य र १४ जनाको मध्यम रहेको छ। घाइतेहरुको हेटौडा अस्पतालमा उपचार भइरहेको छ।
पूर्वपश्चिम लोकमार्गअन्तर्गत मकवानपुरको हेटौंडा उपमहानगरपालिकामा पर्ने चुरीयामाई मन्दिर नजिकै ग २ ख १६२१ नम्बरको बस शुक्रबार बिहान ९स्२० बजे ब्रेक फेल भई सडक छेउ खोलाको डिलमा पल्टिएको हो ।
बसका चालकलाई प्रहरीले नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
