काठमाडौं । सिन्धुलीको कमलामाई नगरपालिका–२ मा बोलेरो दुर्घटना हुँदा दुईजनाको मृत्यु भएको छ। ११ जना घाइते भएका छन्।
तिनकन्याबाट सदरमुकामतर्फ आउँदै गरेको बा २० च ८२८३ नम्बरको बोलेरो दुर्घटना भएको सिन्धुली प्रहरी प्रमुख एसपी गोविन्द काफ्लेले जानकारी दिए।
गोलन्जोर गाउँपालिकाको बाट सिन्धुलीमाढी आउदै गरेको तरकारी बोकेको डब लक्याप बोलेरो चियाबारीमा दुर्घटना भएको हो।
मृतकको पहिचान खुलेको छैन। घाइतेलाई उपचारका लागि सिन्धुली अस्पताल पठाएको उनले बताए। दुर्घटना पछि बिपी राजमार्ग अवरुद्ध भएको छ ।
