काठमाडौं । नेपाली कांग्रेसका नेता डा. शशांक कोइरालाले पार्टी सभापति शेरबहादुर देउवा चाँडै प्रधानमन्त्री बन्ने बताएका छन् ।
नेपाल लोकतान्त्रिक खेलकुद संघको कार्यक्रममा बोल्दै उनले पार्टी सभापति छिट्टै प्रधानमन्त्री बन्ने भएकाले खेल क्षेत्रलाई प्राथमिकतामा राख्न आग्रह गरे ।
उनले भने, ‘सम्पन्न राष्ट्र नभएकाले हामीले खेलकुदमा प्राथमिकता दिन सकेनौं । तर, यसलाई हामीले महत्व दिनुपर्छ, म आदरणीय सभापतिलाई भन्न चाहन्छु, तपाईंले इच्छा प्रकट गर्नुभयो भने हुन्छ । आउने दिनहरुमा तपाईं प्रधानमन्त्री बनिहाल्नुहुन्छ । खेललाई चाहिँ प्राथमिकतामा राख्नुहोला ।’
