बालुवाटारमा डोजरसहित निर्माण व्यवसायीहरुको प्रर्दशन

काठमाडौँ । निर्माण व्यवसायीहरूले सडकमा डोजर र निर्माण औजार तेस्र्याएर प्रदर्शन गरेका छन् । मंगलवार बालुवाटारमा उनीहरूले ४ वटा डोजर सहित बालुवाटारमा प्रदर्शन गरेका हुन् । प्रधानमन्त्री र केन्द्र सरकारको ध्यानाकर्षण गर्नको लागि बालुवाटारमा धर्ना दिइएको जारी विज्ञप्तिमा उल्लेख छ । 

व्यवसायीहरूले केही दिनयता निर्माण कार्यमा भुक्तानी र म्याद थप लगायतका ९ बुँदे मागसहित आन्दोलन गर्दै आएका छन् । प्रदर्शनमा व्यवसायीहरूले बीमा निर्देशिका २०७८ खारेज गर्नुपर्ने, जुनसुकै अवधिको ठेक्काको मूल्य समायोजन गर्नुपर्ने, विभिन्न निकायमा काम गरे बापतको रकम तुरुन्त भुक्तानी गर्नुपर्ने लगायतका नारा लेखिएका ब्यानर र प्लेकार्ड बोकेर प्रदर्शन गरेका छन् ।