काठमाडौं । अप्टीमिस्ट ईन्टरनेशलनको राष्ट्रिय सम्मेलन आउँदो भदौं २९ र ३० गते हुने भएको छ । हेटौंडामा आयोजना हुन गईरहेको सो २ दिने राष्ट्रिय सम्मेलनमा ५२ क्लब सहभागी रहने अप्टीमिस्ट ईन्टरनेशनलका लेफटीनेन्ट गर्भनर ऋषिश्वर थपलिया जानकारी दिए । सो सम्मेलनबाट डिष्ट्रीक पदाधिकारीहरु चयन हुनेछन् । दुईदिने सम्मेलनमा तालिम, निर्वाचन प्रक्रिया लगायतका सत्रहरु समावेश रहने ईन्टरनेशनलले जनाएको छ ।
भर्खरै अन्तराष्ट्रिय सम्मेलनमा सहभागी भएका वर्तमान पदाधिकारी तथा विज्ञहरुले क्लबका सहभागीहरुलाई तालिम दिने कार्यक्रम रहेको छ । निर्वाचन प्रक्रियाको जिम्मेवारी भने डिष्ट्रीकका लेफ्टीनेन्ट गर्भनर ऋषिश्वर थपलियाको संयोजकत्वमा हुने ईन्टरन्याशनेलले जनाएको छ । सो सम्मेलनको निर्देशक डिष्ट्रीकका कोषाध्यक्ष शरदचन्द्र भट्टराई रहेका छन् । बालबालिका तथा युवाहरुको सकारात्मक सोच विकासमा काम गर्ने उक्त क्लबले हालसालै अन्तराष्ट्रिय प्रतियोगिता समेत जित्न सफल भएको छ । विजयी हुन सफल ईपीएस स्कूलको कक्षा १० मा अध्ययनरत छात्रा सिजन कार्कीलाई उक्त समारोहबीच सम्मान गरिनेछ ।
