अछाम । अछाममा एक यात्रुबाहक बस दुर्घटनामा परेको छ । ३८ जना सवार उक्त यात्रुवाहक बस दुर्घटना हुँदा दुई जनाको घटनास्थलमै मृत्यु भएको छ भने अन्य ३६ जना घाइते भएका छन् ।
घाइतेमध्ये एक दर्जन बढी गम्भिर रहेको प्रमुख जिल्ला अधिकारी रुद्र बहादुर मल्लले जानकारी दिएका छन् ।
सदरमुकाम मंगलसेनबाट टिकापुरका लागि छुटेको ना ६ ख ८२९ नम्बरको सुदुरपश्चिम यातायातको बस कैलाश खोला नजिकै दुर्घटनामा परेको हो । बस सडकबाट करिब पाँचसय मिटर तल खसेको हो ।
आफूहरु घटनास्थलतर्फ गइरहेको भन्दै घटनाको थप बिवरण आउन बाँकी रहेको मल्लले बताए ।
_20241127162555.jpg)
