काठमाडौं । काठमाडौँ उपत्यकामा आज यो वर्षकै सबैभन्दा बढी चिसो महशुस भएको छ ।
जल तथा मौसम विज्ञान विभागका अनुसार आज काठमाडौँको न्यूनतम तापक्रम ७ दशमलव ४ डिग्री सेल्सियस मापन गरिएको हो । यो तापक्रम यो बर्षकै कम तापक्रम हो ।
यसअघि मङ्गलबार काठमाडौँको न्यूनतम तापक्रम ८.० डिग्री सेल्सियस थियो ।
काठमाडौं उपत्यकामा अत्याधिक चिसो बढेसँगै विभागले चिसोबाट बच्न सतर्कता अपनाउन सबैमा आग्रह गरेको छ ।
त्यस्तै आज सबैभन्दा कम जुम्लाको न्यूनतम तापक्रम माइनस ४ दशमलव पाँच डिग्री र सबैभन्दा बढी जनकपुरको अधिकतम तापक्रम २९ दशमलव दुई डिग्री सेल्सियस रहेको महाशाखाले जनाएको छ ।
नेपाली वायुमण्डलमा पश्चिमी वायुको प्रभावसँगै जाडो बढ्दै गएको महाशाखाले जनाएको छ ।
