काठमाडौं । नेकपा एमालेका अध्यक्ष केपी ओलीले पार्टीको स्थायी कमिटी बैठक बोलाएका छन्। दिउँसो ४ बजे तुल्सीलाल स्मृति प्रतिष्ठान ललितपुरमा बस्ने गरी बैठक बोलाइएको हो। बैठकमा भोलि बस्ने केन्द्रीय कमिटी बैठकका एजेण्डाबारे छलफल हुने पार्टी कार्यालयका सचिव शेरबहादुर तामाङले जानकारी दिए।
बैठकमा आगामी दशौँ राष्ट्रिय महाधिवेशनको कार्यतालिकाबारे पनि छलफल हुनेछ। साथै वडा र स्थानीय तहस्तरमा भएका अधिवेशनहरुको रिर्पोटिङ तथा समीक्षा हुने तामाङले बताए।
एमालेले आगामी मंशिरमा पार्टीको दशौँ महाधिवेशन चितवनमा गर्ने तयारी गरिरहेको छ। महाधिवेशनको कार्यतालिकाबारे थप छलफल गर्न भोलिका लागि केन्द्रीय कमिटी बैठक आह्वान गरिएका लागि त्यसको तयारी स्वरुप आज स्थायी कमिटी बैठक बोलाइएको हो।
_20241127162555.jpg)
