सुर्खेत । मुगुमा आज भएको बस दुर्घटनामा मृत्यु हुनेको संख्या ३२ पुगेको छ । नेपालगञ्जबाट मुगु सदरमुकाम गमगढी जाँदै गरेको बस दुर्घटना हुँदा २४ जनाको घटनास्थलमै मृत्यु भएको थियो भने अन्यको उपचारका लागि अस्पताल लैजाने क्रममा मृत्यु भएको कर्णाली प्रदेश प्रहरी कार्यालयका प्रहरी निरीक्षक जीवन लामिछानेले जानकारी दिए ।
निरिक्षक लामिछानेका अनुसार घटनास्थलबाट उद्धार गरी ताल्चा विमानस्थल पुर्याउने क्रममा ४ जनाको मृत्यु भएको छ भने उपचारका लागि नेपालगञ्ज पुर्याएका ४ जनाको पनि मृत्यु भएको हो । त्यस्तै चारजनाको उपचारका क्रममा बाँकेमा मृत्यु भएको हो ।
घटनास्थलबाट उद्धार गरी १६ जनालाई विभिन्न उपचारका लागि विभिन्न अस्पताल पठाइएको भएपनि थप ८ जनाले ज्यान गुमाइसकेको प्रहरी निरीक्षक लामिछानेले बताए । मृत्यु भएकामध्ये १६ जना पुरूष, ७ जना महिला र १ जना बालक छन् । नेपालगञ्जमा अहिले १२ जनाको उपचार भइरहेको प्रहरीले जनाएको छ ।
भे १ ख ६७ नम्बरको बस छायानाथ रारा गाउँपालिकास्थित पिनागाउँमा मंगलबार दिउँसो दुर्घटना भएको थियो ।
_20241128163311.jpg)
_20241127162555.jpg)
