मन्त्रिपरिषद्ले आजै पूर्णता पाउँछ : प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आज मन्त्रिपरिषद्ले पूर्णता पाउने बताएका छन्। राजधानीमा बिहीबार टिभी पंचली ऐटकेको उद्घाटन गर्दै प्रचण्डले आज साँझसम्ममा मन्त्रिपरिषद्ले पूर्णता पाउने बताएका हुन्।

‘आज साँझसम्म शपथग्रहण भएर मन्त्रिपरिषद्ले पूर्णता पाउँछ,’ प्रचण्डले भने। पार्टीको तर्फबाट सरकारमा सहभागी हुने मन्त्रीहरु पनि समावेशीताका आधारमा पठाइएको प्रचण्डले जानकारी दिए।

परिवर्तनको आन्दोलनको नेतृत्व गर्ने अवसर आफूले पाएको हुनाले पनि समावेशी, पिछडिएका वर्ग समुदायलाई अगाडि बढाउने प्रयास गरिएको उनको भनाइ छ । दलहरुले मन्त्रीको नाम दिन थालेकोले आजै मन्त्रिमण्डललाई पूर्णता दिने प्रधानमन्त्री शेरबहादुर देउवाको तयारी छ ।