काठमाडौं । आन्तरिक राजश्व विभागका तत्कालिन महानिर्देशक चूडामणि शर्मासँग विशेष अदालतले ५० लाख धरौटी माग गरेको छ ।
विशेष अदालतका सदस्यद्वय न्यायाधीश अब्दुल अजिज मुसलमान र नित्यानन्द पाण्डेयको इजलासले शर्मासँग ५० लाख धरौटी माग गरेको हो ।
कर फर्छ्यौट आयोगमा हुँदा विभिन्न करदाताहरूलाई अनियमितता गरी छुट दिएको भन्दै अख्तियार दुरूपयोग अनुसन्धान आयोगले शर्मा विरुद्ध भ्रष्टाचार मुद्दा दायर गरेको थियो । सोही मुद्दाको प्रकृयामा सहभागी हुन शर्मा सोमबार अदालतमा उपस्थित भएका थिए । उनी उपस्थित भएपछि सोमबारै थुनछेक बयान र बहस भएको थियो । विशेष अदालतले उनीसँग ५० लाख धरौटी माग गरेको छ ।
शर्मा आयोगमा हुँदा बदनियतपूर्वक कर मिनाहा गरेको देखिएकाले उनी निर्दाेष हुन भन्न सकिने प्रमाण नभएकाले उनलाई विशेष अदालतले धरौटी रकम माग गरेको जनाएको छ । शर्मा आयोगमा हुँदा १ अर्ब ३३ लाख बराबरको अनियमित छुट दिएको आरोप छ ।
अख्तियार दुरुपयोग अनुसन्धान आयोगले गत असार ९ गते शर्मासहित तत्कालिन आयोगका अध्यक्ष लुम्बध्वज महत र सदस्य उमेशप्रकाश ढकालविरुद्ध १ अर्ब ३३ लाखको भ्रष्टाचार मुद्दा लगाएको थियो ।
_20241128163311.jpg)
_20241127162555.jpg)
