काठमाडौं । कर्णाली प्रदेश सरकारमा रहेका एमालेका तीन जना मन्त्रीलाई पुनः शपथ ग्रहण गराउने तयारी भएको छ । सोमबार बसेको प्रदेश सभा बैठकमा सभामुखले नेकपा एमालेका चार जना सांसद पदमुक्त भएको जानकारी गराएपछि उनीहरु सांसदबाट पदमुक्त भएका छन् ।
कर्णालीमा फ्लोर क्रस गरेर मुख्यमन्त्री महेन्द्र बहादुर शाहीको पक्षमा मतदान गर्ने नेकपा एमाले माधव नेपाल समूहका तीन जना मन्त्रीलाई पुनः शपथ ग्रहण गराउने तयारी भइरहेको सरकारका प्रवक्ता एवं आर्थिक मामिला तथा योजना मन्त्री विमला केसीलाई जानकारी दिइन् ।
मुख्यमन्त्री शाही नेतृत्वको सरकारमा उद्योग, पर्यटन वन तथा वातावरण मन्त्री नन्दसिंह बुढा, भौतिक पूर्वाधार मन्त्रालयमा अमर बहादुर थापा र भूमि व्यवस्था, कृषि तथा सहकारी मन्त्रीमा कुर्मराज शाही सदस्य रहेका छन् । उनीहरुले गत शनिबार प्रदेश प्रमुख गोविन्द प्रसाद कलौनीबाट पद तथा गोपनीयताको सपथ लिएका थिए । उनीहरु मन्त्री भएको ८ दिनमा सांसदबाट पदमुक्त भएका हुन् ।
नेकपा एमालेले कर्णालीमा फ्लोर क्रस गर्ने तीन जना मन्त्रीसहित अर्का सांसद प्रकाश ज्वालालाई पार्टीको साधारण सदस्यसमेत नरहने गरी पदमुक्त गरेको हो । उनहिरुले पार्टीको ह्वीप उल्लंघन गरी विपक्षी पार्टीको सरकारलाई सघाएको आरोप छ ।
_20241128163311.jpg)
_20241127162555.jpg)
