काठमाडौं । प्रधानमन्त्री केपी शर्मा ओलीले प्रतिनिधिसभा भंग गरेको विरोधमा नेकपाको प्रचण्ड-माधव समूहले माइतीघर मण्डलमा प्रदर्शन गरेका छन्। यो समूहका शीर्ष नेताहरु नै सकडमा बसेर विरोध जनाइरहेका छन् । शुक्रबार बिहान साढे ९ बजेदेखि पुष्पकमल दाहाल प्रचण्ड र माधवकुमार नेपाल समूहले माइतीघरमा प्रदर्शन गरेका हुन्।
उनीहरूको प्रदर्शन शान्तिपूर्ण छ। उक्त समूहका अध्यक्षद्वय प्रचण्ड र नेपालसहित नेताहरू झलनाथ खनाल, प्रवक्ता नारायणकाजी श्रेष्ठलगायत पनि कालो ब्यानरसहित प्रदर्शनमा उत्रिएका छन्।
प्रतिनिधिसभा भंग गर्नु असंवैधानिक भएको ब्यानरमा लेखिएको छ। यो समूहले आज निर्वाचन आयोग र सर्वोच्च अदालतअगाडि पनि प्रदर्शन गर्ने भएको छ ।
