काठमाडौं : संस्कृति, पर्यटन तथा नागरिक उड्डयनमन्त्री योगेश भट्टराईले आगामी दश वर्षभित्र नेपालको समग्र नागरिक उड्डयन क्षेत्रलाई अन्तर्राष्ट्रिय नागरिक उड्डयन सङ्गठन (आइकाओ)को मापदण्डमा पुर्याइने बताएका छन् ।
आज झापाको विर्तामोडमा भएको चन्द्रगढी विमानस्थलको विस्तार तथा विकास गुरुयोजना सम्बन्धि छलफलमा मन्त्री भट्टराईले अन्तर्राष्ट्रिय मापदण्डमा पुर्याउने तयारीका लागि अहिले मुलुकभरका विमानस्थलको स्तरोन्नति भइरहेको जानकारी दिए ।
