काठमाडौं। भारतीय सुपरस्टार मोहनलालले माफी मागेका छन् । खासमा हिन्दू राष्ट्रवादी समूहहरूको आलोचनापछि आफ्नो नयाँ फिल्मबाट केही दृश्यहरू हटाइने बताएका छन्।
मलयालम भाषाको फिल्म एलः २ एम्पुरान बिहीबार रिलिज भएको थियो र बक्स अफिसमा राम्रो प्रदर्शनसमेत गरिरहेको छ। यो फिल्म सप्ताहन्तमाको पाँच दिनमा २०० करोड कमाउने पहिलो मलायालम फिल्म पनि हो ।
यद्यपि, यसले प्रधानमन्त्री नरेन्द्र मोदीको भारतीय जनता पार्टी (भाजपा) का सदस्यहरूसहित हिन्दू समूहहरूबाट नकारात्मक प्रतिक्रियाको सामना गरिरहेको छ, खासमा गुजरात राज्यमा सन २००२ मुस्लिम विरोधी दंगाको सन्दर्भमा देखिएका केही दृश्यहरू समावेश भए पछि उनी आलोचनाको शिकार भएका हुन् ।
जसका कारण मोहनलालले फेसबुकमा लेखेका छन्, ‘एक कलाकारको हैसियतले मेरो कुनै पनि चलचित्र कुनै पनि राजनीतिक आन्दोलन, विचारधारा वा धार्मिक समूहसँग विरोधी नहोस् भन्ने कुरा सुनिश्चित गर्नु मेरो कर्तव्य हो । इम्पुरानको टोली र म मेरा प्रियजनहरूलाई पर्न गएको पीडामा इमान्दारीपूर्वक खेद व्यक्त गर्दछौं र यसको जिम्मेवारी हामी सबै फिल्ममा काम गर्ने सबैको हो भन्ने महसुस गर्दै हामीले त्यस्ता विषयहरूलाई चलचित्रबाट हटाउने निर्णय गरेका छौं,’ मोहनलालले भनेका छन ।
घटनाक्रमले कलात्मक स्वतन्त्रताको वरिपरि बहस सुरु गरेको छ, विपक्षी कांग्रेस र वाम दलहरूले भाजपालाई फिल्म निर्माताहरूलाई दबाब दिएको आरोप लगाएका छन् । यद्यपि, भाजपा नेताहरूले यो भनेका छन् कि पार्टीले फिल्मको बिरूद्ध कुनै सार्वजनिक अभियान चलाएको छैन र मानिसहरूलाई सोशल मिडियामा आ–आफ्नो विचार व्यक्त गर्ने अधिकार छ।
एल २ इम्पुरान मलयालम राजनीतिक थ्रिलर ‘लुसिफर’ को एक सिक्वेल हो, जसमा मोहनलालले स्टीफन नेदुम्पल्लीको भूमिका खेलेका थिए, एक रहस्यमय व्यक्तित्व जो पछि अन्तर्राष्ट्रिय अपराध सिन्डिकेटको प्रमुख भएको खुलासा हुनेछ ।
साथै, मलयालम स्टार पृथ्वीराजद्वारा निर्देशित फिल्मले ठूलो हिट मात्रै भएन, अधिकतर सकारात्मक समीक्षा पाएकोसमेत थियो । खासमा, भ्रष्ट र दुष्ट मानिसहरूको हातमा परेको केरलाको राजनीतिको मुक्तिदाताको रूपमा मोहनलालको चरित्रको पुनरागमनमा केन्द्रित एल २ इम्पुरानबाट अपेक्षाहरू उच्च थिए।
एल २ इम्पुरानको एक चरित्र जायेद मसूदको ब्याकस्टोरीबाट सुरु हुन्छ, जसलाइै निर्देशक पृथ्वीराज द्वारा निभाएका छन, जो भारतको एक ठाउँमा दंगाको क्रममा अनाथ भएको थियो, जसमा केही विवरणहरू २००२ मा भएको धार्मिक हिंसासँग मिल्दोजुल्दो छ, जब मोदी गुजरात राज्यको मुख्यमन्त्री थिए। लामो फ्ल्यासब्याक अनुक्रमले हिंसाको क्रममा हिन्दूहरूले मुस्लिमहरू विरुद्ध हिंसात्मक अपराध गरेको चित्रण गर्ने केही ग्राफिक दृश्यहरू देखाइएको छ ।
यसले यो पनि देखाउँछ कि कसरी हिंसाका एक अपराधी वर्षौं पछि अझ शक्तिशाली बन्दै गएको छ र केरलाको राजनीतिक परिदृश्यमा मुख्य स्थान सुरक्षित गर्न खोजिरहेको छ। यही दृश्यहरूले खासमा हंगामा मच्चाएको हो ।
भाजपाका राज्य अध्यक्ष राजीव चन्द्रशेखर, जसले फिल्मको टोलीलाई यसको रिलिज अघि शुभकामना दिएका थिए, पछि भने कि उनले अब महसुस गरे कि ‘फिल्ममा मोहनलालका प्रशंसक र अन्य दर्शकहरूलाई विचलित गर्ने विषयहरू समावेश रहेछन् ।’
‘फिल्मलाई चलचित्रकै रूपमा हेर्नुपर्छ, यसलाई इतिहासका रूपमा हेर्न सकिँदैन। साथै सत्यलाई तोडमोड गरेर कथा निर्माण गर्ने प्रयास गर्ने कुनै पनि चलचित्र असफल हुन्छ,’ उनले भने, ‘म यो फिल्म हेर्दिन् ।’ जबकि केही राज्य भाजपा नेताहरूले उनको कुरामा समर्थनसमेत गरेका छन । भाजपा निकटहरूले फिल्म निर्माताको आलोचना गरेका छन । र, उनीहरूलाई फिल्ममा ‘राष्ट्रविरोधी विषयवस्तुहरू’ चित्रण गरेको आरोप लगाएका छन्।
यसको रिलिज अघि नै फिल्मले यसको बजेटमा हेडलाइन बनाउन सफल भएको थियो, अपेक्षाकृत कम उल्लेख गरिएको मलयालम फिल्म उद्योगको लागि यो लोभलाग्दो संकेत थियो । फिल्म एनालिटिक्स ट्र्याकर सैकनिल्कका अनुसार फिल्मले आफ्नो उद्घाटन सप्ताहन्तमा समग्रमा लगभग २०० करोड भारतीय रुपैयाँ कमाइसकेको छ ।
