-1732430808_20241124123911.jpg)
काठमाडौ । पूर्वराज्यमन्त्री एवम् नेकपा (माओवादी केन्द्र)का केन्द्रीय सदस्य पदमबहादुर राईलाई पेरिसडाँडामा अन्तिम श्रद्धाञ्जली दिइएको छ ।
आज बिहान आयोजित श्रद्धाञ्जली सभामा माओवादी अध्यक्ष प्रचण्ड, नेता तथा कार्यकर्तालगायतले पेरिसडाँडा पुगेर श्रद्धाञ्जली अर्पण गरेका हुन् । अध्यक्ष प्रचण्डले राईको पार्थिव शरीरमा पार्टीको झण्डा ओडाएर सम्मान गरे ।
अध्यक्ष प्रचण्डले शोक वक्तव्य जारी गर्दै शोकाकुल परिवारजनमा समवेदना प्रकट गरेका छन् । राईको निधनले कम्युनिष्ट आन्दोलनमा अपूरणीय क्षति भएको उनले बताए ।
पूर्वराज्यमन्त्री राईको ५८ वर्षको उमेरमा शनिबार बेलुकी साढे ६ बजे वीर अस्पतालमा उपचारका क्रममा निधन भएको थियो ।
