महोत्तरी । महोत्तरी गाउँपालिका–१ सोनुखडा गाउँमा महिलाको हत्या भएको छ। ३६ वर्षीया रोशना खातुनलाई उनका पति ४५ वर्षीय हबिब नदाफले कुटपिट गरी हत्या गरेको प्रहरीले जनाएको छ।
घरायसी झगडाका क्रममा हबिबले शनिबार रोशनालाई निर्घात कुटपिट गरेका थिए। समयमै उपचार नहुँदा निजको मृत्यु भएको प्रहरीको प्रारम्भिक अनुमान छ।
रोशनाको शव परीक्षणका लागि प्रादेशिक अस्पताल जलेश्वर पठाइको छ। घटनापछि फरार भएका निजका श्रीमान्को खोजी भइरहेको प्रहरीले जनाएको छ।
