काठमाडौँ । नेपाल शैक्षिक परामर्श संघ (इक्यान)को अध्यक्षमा शेषराज भट्टराई विजयी भएका छन् । शनिबार भएको निर्वाचनमा उनले २३८ मत ल्याउँदै विजयी भएका हुन् ।
त्यस्तै, तीन जना उपाध्यक्षहरूमा एन्ड्रीयू पौडेल, भुवनबहादुर क्षेत्री र गीता शिवाकोटी निर्वाचित भएका छन् । महासचिवमा दिपकराज भुसालले बाजी मारे । त्यसैगरी, सचिवमा भवनाथ हुमागाई र रत्नबहादुर भट्टराई निर्वाचित हुँदा कोषाध्यक्षमा आशिक कार्की र सह–कोषाध्यक्षमा विकल्प राज पोखरेल विजयी भए ।
कार्यसमिति सदस्यहरूमा सुरज सिलवाल, साधान पुडासैनी, उमा खड्का पाठक, मन्जित ढकाल, गोविन्द खनाल, आशिष रायमाझी, शशिप्रसाद भट्टराई, विजयकुमार बस्नेत र श्रीराम गिरी विजयी भएका छन् ।
