काठमाडौं । अमेरिकी सहायक विदेशमन्त्री डोनाल्ड लूले प्रधानमन्त्री पुष्पकमल दाहाल प्रचण्डलाई भेटेका छन् । सो क्रममा उनले प्रचण्ड पत्नी स्वर्गीय सीता दाहाललाई श्रद्धाञ्जली दिएका छन् ।
शुक्रबार अपराह्न बालुवाटार पुगेर लूले सीताको तस्बिरमा श्रद्धाञ्जली अर्पण गरेका हुन् । सीताको गएको बुधबार निधन भएको थियो ।
दक्षिण तथा मध्य एसिया हेर्ने अमेरिकी सहायक विदेशमन्त्री लू आजैमात्र नेपाल आएका हुन् । उनले आजै कांग्रेस सभापति शेरबहादुर देउवा र एमाले अध्यक्ष केपी ओलीसँग भेटवार्ता गरेका छन् ।
