धनकुटा : धनकुटाको छथर जोरपाटि गाउँपालिका २ मा आइतवार मध्यान्ह भएको सवारी दुर्घटनामा दुई जनाको मृत्यु भएको छ भने दुई जना गम्भीर घाईते भएका छन् । हिलेबाट सिधुवातर्फ जाँदै गरेको को २ ह ६६११ नंको अटो विपरित दिशाबाट आइरहेको को१ख ६९१२ को लोप्याट गाडीमा ठोक्किएर दुर्घटना भएको प्रहरीले जनाएको छ।
दुर्घटनामा अटो चालक धनकुटा नगरपालिका २ का २५ वर्षीय दशरथ पाख्रिन र त्यसमा सवार यात्रु तेह्रथुम छथर १ सुक्रबारेका ४५ वर्षीय साङ्गे शेर्पाको घटनास्थलमा नै ज्यान गएको प्ररहरीले जनाएको छ । उक्त दुर्घटनामा परी छथर जोरपाटीका रविन घिमिरे र तेह्रथुमको लालिगुँरास नगरपालिकाका प्रदीप बस्नेत घाइते भएको छन्। घाइतेको धनकुटा जिल्ला अस्पतालमा उपचार भईरहेको छ। दुर्घटनाबारे थप अनुसन्धान भइरहेको जिल्ला ट्राफिक प्रहरी इन्चार्ज सुरेन्द्र खड्काले जानकारी दिएका छन्।
