सोलुखुम्बु : सोलुखुम्बुमा आफ्नै छिमेकीलाई कुटपिट गरी हत्या गरेको अभियोगमा प्रहरीले शुक्रबार बिहान एक युवालाई पक्राउ गरेको छ ।
माप्य दुधकोसी गाउँपालिका ३ बस्ने २६ वर्षीय डाकमान कार्की पक्राउ परेका हुन् । कार्कीले कुटपिट गर्दा गम्भीर घाइते भएका सोही ठाउँ बस्ने १८ वर्षीय पविधान राईको केएमसी अस्पताल सिनामंगलमा उपचारको क्रममा मृत्यु भएको थियो ।कार्कीलाई नियन्त्रणमा लिएर यस सम्बन्धमा आवश्यक अनुसन्धान गरीरहेको प्रहरीले जनाएको छ ।
