ओखलढुंगा : ओखलढुंगाको सिद्धिचरण नगरपालिका–६ स्थित टोड्केमा टाटा सुमो दुर्घटना हुँदा सात जना घाईते भएका छन् । सोलुखुम्बुबाट काठमाडौंका लागि छुटेको ना १ ज ६४१२ नम्बरको सुमो दुर्घटना हुँदा चालक सहित ७ जना घाईते भएका हुन् ।
घाईते दुईजनामध्ये एक जना गर्भवती महिलाको अवस्था गम्भीर रहेको छ । घाईतेहरुको ओखलढुंगा सामुदायिक अस्पतालमा उपचार भैरहेको जिल्ला प्रहरी कार्यालय ओखलढुंगाका प्रहरी निरीक्षक राजीव श्रेष्ठले जानकारी दिएका छन् । १० जना सवार सुमो अनियन्त्रित भएर सडकबाट करिब १ सय ५० मिटर तल खसेको थियो ।
