काठमाण्डौ : सिंहदरबारको ढोकाअगाडी सांसद्को गाडीले मोटरसाइकल मोटरसाइकलाई ठक्कर दिदा एक जना गम्भीर घाइते भएका छन् । सोमबार बिहान ११ बजे महानगरीय ट्राफिक प्रहरी महाशाखातर्फ जाँदै गरेको प्रदेश ३–०२, ००२ प, ९८७० नं. को मोटरसाइकललाई पुतलीसडक तिरबाट आएको सङ्घीय संसद् सचिवालयको सरकारी नं. प्लेटको प्रदेश ३–०१, ००२ झ, ४८७९ नं. स्कार्पियो गाडीले दिँदा मोटरसाइकल चालक महोत्तरीका २२ वर्षीय सलन बराल गम्भीर घाईते भएका छन् ।
घाइते बरालको दुबै खुट्टामा गम्भीर चोट लागेको छ । उनको काठमाडौँ मोडेल अस्पताल प्रदर्शनीमार्गमा उपचार भइरहेको प्रभागका प्रहरी जवान आचार्यले जानकारी दिएका छन् । सो गाडी संसदीय सुनुवाई समितिका सभापति लक्ष्मणलाल कर्णले चढ्ने गरेको महानगरीय ट्राफिक प्रहरी प्रभाग सिंहदरबारका प्रहरी जवान हेमन्त आचार्यले जानकारी दिए । संसद् सचिवालयकै गाडी भए पनि कानूनअनुसार नै कारबाही गरिने प्रभागका प्रमुख प्रहरी निरीक्षक प्रकाश सिंहले बताए ।
