काठमाडौं। कालिकोट पलाँता-३ मा भएको बोलेरो गाडी दुर्घटना परी मृत्यु हुने ६ जनाको सनाखत भएको छ।
स्थानीय अस्मित बमले घटनास्थलबाट दिएको जानकारी अनुसार मृत्यु हुनेमा पलाँता-५ का पदम बम र छायाँ शाही, सोही गाउँपालिका-६ की कुसुम कला शाही र भगवती रोकाय छन्।
यसैगरी, मृत्यु हुनेमा वडा नं ६ का गणेश शाही र वडा नं ३ का दमन रोकाय रहेका छन्। जिपमा १९ जना सवार थिए। घाइते १३ जना मध्ये २ जनाको अवस्था गम्भिर छ।
घाइतेहरुको उद्वार हेलिकोप्टरबाट गरिएको हो।
