काठमाडौं : नेपालबाट न्युजील्याण्डतर्फ लैजान लागेका लागू पदार्थ बनाउने रसायनसहित चिनियाँ नागरिक काठमाडौंमा पक्राउ परेका छन् । नेपाल प्रहरीको लागूऔषध नियन्त्रण ब्यूरोको टोलीले काठमाडौं महानगरपालिकाले एक कार्गोबाट ल्याएको ४ किलो २ सय ग्राम इफेड्रिनसहित चिनियाँ नागरिक झाङ चाओलाई शुक्रबार पक्राउ गरेको हो ।
चिनियाँ नागरिकले निलो रङको कागजको डिब्बामा भित्र रंगीन चित्र रहेको १० वटा शंकास्पद काठको फ्रेममा फल्स बटम बनाई लुकाई लागू औषधी बनाउने सहायक रसायन ल्याएको ब्यूरोका एसपी वीरेन्द्र रावलले जानकारी दिए ।
चिनिया नागरिकबाट बरामद इफेड्रिनको चीनमा नेपाली मूल्य २ लाख २५ हजार रुपैयाँ र न्युजील्याण्ड पठाउँदा ५० लाख रुपैयाँ बराबरको हुने प्रहरी अनुसन्धानबाट खुलेको छ । चीनको सिचुवानका चाओ १५ नोभेम्बरमा पहिलो पटक काठमाडौं आएका चाओ आफैले प्याकेजिङ गरेर न्युजील्याण्ड पठाउन खोजेको प्रहरीसमक्ष बताएका छन् । लागू औषध ओसारपसार गर्ने सञ्जालको खोजी भइरहेको ब्यूरोका एसपी रावलले बताएका छन् ।
