काठमाडौँ : अनेरास्ववियूका विद्याथीहरुले काठमाडौँ विश्वविद्यालयमा आइतबारबाट अनिश्चितकालिन तालाबन्दी गरेका छन् । विश्वविद्यालयमा सहमति कार्यान्वयनको बिषयमा छलफल गर्न गएका विद्यार्थीमाथि दुर्व्यवहार गरेको भन्दै विद्यार्थीहरुले तालाबन्दी गरेका हुन्।
स्कुल अफ साइन्सका डीन कन्यौया झाको राजिनामा माग गर्दै तालाबन्दी गरेको अनेरास्ववियुका अध्यक्ष सुपुष्प लामाले जानकारी दिए। विद्यालयका डीनले विगतका सहमति कार्यान्वयन नगर्ने भन्दै विज्ञप्ती हाम्रो च्यातेपछि आफुहरु चरणबन्द आन्दोलनमा उत्रिएको अनेरास्ववियूका विद्यार्थी सुमनराज पौडेलले बताए।
विद्यालयको डिनले फोनको भरमा कुरा गरेर आधिकारिक निर्णय भएको बताएपछि विद्यार्थीहरु थप आन्दोलित भएका हुन्। विद्यार्थीहरुले आफुहरुसँग भएको सहमति पूर्ण रुपमा कार्यान्वयन नभएसम्म र स्कुल अफ साइन्सका डिनको राजीनामा नआएसम्म तालाबन्दी नखोल्ने अडान लिएका छन्।
