कोहलपुर : बाँकेको कोहलपुरमा ट्रकको ठक्करबाट एक बालिकाको मृत्यु भएको छ । आइतबार बिहान कोहलपुर(नेपालगञ्ज सडकखण्ड अन्तर्गत हाईस्कुल चोकमा स्कुले बालिकाको मृत्यु भएपछि स्थिति तनावग्रस्त भएको हो । मृतक बालिकाको सनाखत भएको छैन ।
स्कुले बालिकाको मृत्यु भएपछि विद्यार्थीहरुको समूहले ट्रकमा आगजनी गरेका छन् ।आक्रोशित समूह र प्रहरीबीच ढुंगा हानाहान भएपछि प्रहरीले बल प्रयोग गरेको थियो । सडकमा रोकिएका अधिकांश गाडीहरुको सिसा विद्यार्थीहरुले फुटाइदिएका छन् । उनीहरुले चोकमा टायर बालेर यातायात आवागमन अवरुद्ध पनि पारेका छन् ।प्रहरीले बाटो खुलाउने प्रयास गरिरहेको जनाएको छ ।दर्जनौं गाडीहरु बीच सडकमै रोकिादा यात्रुहरु अलपत्र परेका छन् ।
